GAZTE EGUNERAKO KARTEL LEHIAKETA

Kartel lehiaketa iragartzen duen kartela

Maiatzaren 24rako aurreikusita dagoen aurtengo Gazte Eguna iragartzeko kartel lehiaketa eginen dute Kaxerna Gaztetxekoek. Aurtengoa 10. aldia izanen da egun hau antolatzen dela eta parte hartzea bultzatzeko, kartel proposamena apirilaren 28rarte bidali daiteke kaxerna_gaztetxea@hotmail.com helbide elektronikora. Informazio gehiago Kaxerna blogan.

BERAKO BESTAK ANTOLATZEKO BILERA

Berako kultur batzordearen Bestak antolatzeko bilera hurrengo astelehenean izanen da, apirilak 7, ilunabarreko 19etan Beralandetan. Garagero bilera bat egin da, zeinean Juan Losa zinegotzia kanporatua izan zen bere jarrera desegokiarengatik. 

Joan den urteko Kartel irabazlea

KONTZERTUA KATAKUN ORTZIRALEAN: PALENKA

Bikotearen argazki bat

Lenka Eslobakiarra da eta Pavel Txekiarra. 

Beraien kultura zabaldu asmoz sortu zuten elkarte kulturala da Palenka. Kantu herrikoiak jotzen dituzte beraien jatorrizko herrietakoak nahiz hemengoak eta kontzertuak ospakizun berezi eta elkartruke bezela ulertzen dituzte. Bertze aldi batean ere kantuan entzun genituen Katakun, era espontaneo xamarrean, baino oraingo honetan kontzertu osoa ematera datoz. Giro berexian murgilduko gara beraz ortziral honetan, apirilak 4, 22.30etan.

GURE ESKU DAGO BILERAK

Joan den ortziralean egin zen aurkezpenaren ondotik, Gure Esku Dago dinamika jorratzeko bilerak hasiko dire astizken honetan, 18.30tan Beralandetan. Aurkezpenean herriko arlo eta sentsibilitate ezberdinetako 30 bat lagun bildu ondotik, lan talde bat osatuko da Ekainak 8an eginen den Erabakitzeko Eskubidearen aldeko Gizakateari begira ekimen ezberdinak antolatu ahal izateko.

GAZTE EGUNA PRESTATZEKO BILERAK

Asteartero Berako Gazte Eguna antolatzeko bilerak izanen dira Kaxerna Gaztetxean, arratsaldeko 19etan. Martxoaren 25ean izan zen lehendabiziko bileran ia 30 lagun bildu ziren, eta bertaratu ziren gazteen gehiengoak lehen aldia izanen du lan honetan.

Gazte Eguna prestatzera deitzen duen kartela

GURE ESKU DAGO DINAMIKAREN AURKEZPENERAKO DEIALDIA EGIN ZUTEN ATZO

Atzo arratsaldean  Gure Esku Dago dinamikaren aurkezpenerako deialdia egin zuten Berako Kultur Etxean arlo ezberdinetako hainbat herritarrek. Heldu den ortziralean, martxoak 28, izanen den aurkezpenerako gonbidapena luzatu zuten bertan bildu zirenek. Aurkezpena Beralandetan izanen da, arratsaldeko 19tan, eta herritar guztientzat irekia izanen da.

Aurkezpenaren deialdia egin zutenen argazkia

"Arratsalde on eta eskerrik asko denoi etortzeagatik.

Garai   berriak   bizi   ditugu   Euskal   Herrian.   Garai   berri   hauek   baliatuz, 

elkarlanaren ildotik urrats berri eta sakonak egiteko unea dela pentsatzen dugu. 

Ezinbertzekoa   da   elkarrekin   aitzinera   egitea   ziklo   berri   eta   ilusionagarri   bat 

irekitzeko,   eta   bide   honetan   herritarrak   protagonista   nagusi   bilakatu   beharko 

ditugu.

Hemen   elkartu   gara   eremu,   sektore,   adin   eta   sentsibilitate   desberdinetako 

beratarrak,   baina   demokratikoa   eta   unibertsala   den   eskubide   batekiko 

atxikimenduak   biltzen   gaitu:   erabakitzeko   eskubidearekiko   atxikimendua. 

Elkarlanean eta auzolanean, aitzinera begira pausoak emateko prest gaude, prest 

eta  ilusionatuak.  Argi  ikusten  dugulako,  orain herritarrek hartu  behar dugula 

lekukoa.

Gaurko agerraldiaren helburua, datorren martxoaren 28an, 19:00tan, Berako 

Beralandetan  ‘Gure   esku   dago’   erabakitzeko   eskubidearen   aldeko   dinamika 

zabalaren   aurkezpenerako   deialdia   egitea   da.   Beratar   guztiak   gonbidatu   nahi 

ditugu ekitaldi  honetara, bai  partehartzaile edo ikusle bezala. Bertan, herriko 

biztanle   guztiei   helarazi   nahi   genieke   gure   etorkizunaz   erabakitzeko   dugun 

aukera, beharra eta zilegitasuna.

Ez   gara   hutsetik   abiatzen.   ‘Gure   esku   dago’   dinamika   mantso­mantso Euskal Herrian zehar hedatzen ari da, 2014­ko ekainaren 8a izanen da mugarri. Egun 

horretan, Iruñea eta Durango lotuko dituen erabakitzeko eskubidearen aldeko 

herritar katea osatuko da, eta Beratarrak ere, han izanen gara.

Eskerrik asko."

http://gureeskudago.net/eu/

"NAFARROA ALDATUZ" SOLASALDIA ORTZIRAL HONETAN JUAN KRUZ ALDASORO ETA MAIORGA RAMIREZEKIN

Ortziral honetan, ilunabarreko 20.30etan, hizaldia izanen da Beralandetan EHBILDUk antolatua. "Nafarroa Aldatuz" solasaldian Juan Kruz Aldasoro eta Maiorga Ramirez arituko dira "Erregimenaren amaiera bultzatuz".

Solasaldia iragartzen duen karteletariko bat

PREKARIETATE ETA POBREZIAREN AURKAKO EUSKAL HERRIKO MARTXA BORTZIRIETAN

Prekarietate eta pobreziaren aurkako Euskal Herriko martxa bihar iritsiko da Baztan-Bidasoara eta horretarako kontzentrak deitu ditu bihar arratseko 20etan. Beran mukixu zubian izanen da. 

Pobrezia eta prekarietatearen kontrako kanpainaren baitan eta Martxoaren 3an Troika eta bere konplizeen politikak salatzeko hego Euskal Herriko eragile sindikal eta sozialek osatzen duten Gune Plataformak burututako ekimenei segida emanez, datorren martxoaren 11tik 20era hego Euskal Herria gurutzatuko duen Martxa burutuko da.

Martxa Ermuan hasi eta Iruñean burutuko den manifestazio eta ekitaldiareki emango zaio amaiera.

Gogoratu behar da ere, martxa amaitu eta bi egunetara, martxoaren 22an, Gune Plataforma Madrilen izango dela Duintasunaren alde burutuko den manifestazioan.

Otsailaren 3an Gune Plataformak azaldu bezala, kanpainaren aurkezpenean, pobrezia Euskal Herrian ez existitzeko konpromiso argi bat har dadila eskatuko dute ekimen berri honekin ere.

Eskubide gisa, prekarietatera bultza eta baztertuta geratzen direnei duintasuna bermatzeko Gune Plataformak eskatzen dituen neurriak

Bide horretan neurri konkretu eta premiazkoak exijitu zituen Guneak, 12 puntutan laburbildu zirenak:

• Lanbidearteko Gutxieneko Soldataren (LAGS) igoera handia, enplegua izanda ere inor ez dadin pobrezian egon.
• Langabezia prestazio duina, norbaitek enplegurik ez duen bitartean jasoko dena.
• Diru-sarrerak bermatzeko Errenta eta Gizarteratzeko Errenta (oinarrizko errenta) egungo LAGS gainetik kokatzea. Halaber, pertsona batetik gorako bizikidetza-unitateei aplikatzen zaizkien eskalak gehitzea.
• Diru-sarrerak bermatzeko sistema berri bat ezartzea egungoaren ordez; beharrezkoa da eskubide soziala izatea. Bizimodu duina izateko eskubidea bermatzea ezinbestekoa da.
• Diru-sarrerak bermatzeko Errenta eta Gizarteratzeko Errenta mantenduko direla ziurtatzea, baliabide ekonomiko gabezia dagoen artean.
• Gizarte larrialdietarako laguntzak jasotzeko eskubide subjektiboa ezarri, benetako beharrizanak asetu behar dituztenak.
• Murrizte politikaren ondorioz prestazio sozialik gabe utzi dituzten kolektibo guztiei prestazioak jasotzeko eskubidea aitortzea.
• Prestazio sozialak kudeatzerakoan aplikatzen ari diren irizpide murriztaileak ezabatzea.
•  Aurrekontua gehitzea, hartara zerbitzu publiko (osasungintza, enplegua, gizarte-arreta) unibertsal eta kalitatezkoak izateko bitartekoak (pertsonal, material eta teknikoak) eskura egon daitezen.
• Pertsona orori bermatzea osasun eta osasun-arreta izateko eskubidea, baita etxebizitza duina eta egokia ere. Halaber, bermatu egin behar da baliabide ekonomikorik gabe dagoelako inor ez geratzea argindar, gas edo ur zerbitzurik gabe.
• Adierazpen askatasuna eta ekintza politiko, sozial eta sindikalerako eskubidea. Kodigo penalaren erreforma eta hiri segurtasuneko legearen aurreproiektua gaitzestea.
• Euskal Herrian pertsona guztiek bitarteko eta baliabide nahikoa izatea ahalbidetuko duen bizitza duin, autonomo eta kalitatekoa izateko babes sozialeko sistema izatea ahalbidetuko diguten tresna propioak geureganatzeko konpromiso instituzionala.

 

 

VICTOR HERRERO ORTZIRAL HONETAN KATAKUN

http://victorherrero.bandcamp.com/

http://katakuostatua.blogspot.com.es/

Ortziraleko kontzertuaren kartela

GURE TXOKOA ELKARTEAK BATZAR OROKORRA DEITU DU LARUNBAT HONETARAKO

Gure Txokoa dantza taldeko kideak Iamoteneako ganbara garbitzen

Larunbat honetan, martxoak 15, Batzar Orokorra izanen da Iamotenean Gure Txokoa Elkarteak deiturik, ilunabarreko 19.30etan.

Bertan 2013ko kontuak aurkeztuko dira eta urte horretan izandako jardueren laburpena eta balantzea egingo dira. Bertzalde, futbol zelaiaren gaia landuko da eta urte bukaeran zuzendaritza aldatzeko eginen diren hauteskundeen berri emanen da.

LIZTOR BELTZARI BURUZKO HITZALDIA

Larunbat honetan , goizeko 10etan, Liztor Asiatikoari buruzko hitzaldia entzuteko aukera izanen da, Beralandetan. Iaztik gauzak egin diren arren, joan den otsailean iragarri zuten Bortzirietako udalek Liztor Beltzaren kontrako kanpaina, udaberri hasieran eragiten hasteko asmoz. Liburuxka bat argitaratu eta banatu dute jada, eta bertan, gaiari buruzko informazioa emateaz gain, tranpak egiteko aholkuak habiak aurkituz gero deitu beharreko telefonoak aurki daitezke.

Banatua izan den liburuxkaren azala

MARTXOAKO KULTUR AGENDA

Martxoako agenda iragartzen duen kartela

BARDOAK BERAKO KAXERNA GAZTETXEAN

Ostiral honetan, otsailak 14, Bardoak Nafarroako Taldekako Bertso Ekimenaren Berako saioa izanen da Kaxerna Gaztetxean. Merenduaren ondotik bi taldeen arteko norgehiagokaz gozatzeko aukera izanen da; etxean kantatuko duten Bordboiak (Julen Zelaieta, Patxi Castillo, Aitor Elexpuru, Jokin Pinatxo) eta Iruñatik etorriko diren Bertze maldikoak (Ainhoa Aranburu, Aimar Karrika, Oscar Sanz de Acedo) izanen dire entzungai eta ikusgai. 

2012an Berako taldearen agurra Kaxernan

JULIO CARO BAROJAREN MENDEURRENA OSPATZEKO LAN TALDEA

2014.eko azaroaren 13an ehun urte beteko dira Julio Caro Baroja jaio zenetik. Mendeurrena ospatzeko asmoz lan talde bat sortzeko bidean daude Beran. Lehendabiziko deialdi irekia datorren astelehenean izanen da, otsailak 17 (arratsaldeko 19tan Beralandetan).

Museo etnografikoaren webgunea.

Bere bizitzari buruzko datu batzuk.

JAVIER MUGURUZAREN KONTZERTUA KULTUR ETXEAN

Lehendabiziko aldia ez bada ere, asteburu honetan kontzertua eskainiko du Javier Muguruzak Berako Kultur Etxean. Larunbatean izanen da, otsailak 15, Berako Kultur Etxean eta 22:00etatik antzinera. Sarrera 7€ren truke izanen da eta, Berako Kultur Batzordeak antolatzen badu ere, Nafarroako Antzoki Sareak ere laguntzen duen ekitaldia izanen da. 

   

www.jabiermuguruza.net 

ZARRALUKIREKIN BILERA IZAN DUTE GAUR GOIZEAN ESKUALDEKO HAUTETSIEK

N-121-A errepideari buruz solasteko asmoz Eskualdeko hainbat hautetsi (Baztan-Malerreka-Bortziriak) jaso ditu Zarraluki sailburuak Nafarroako Gobernuaren Sustapen Saileko Iruñeako egoitzan, hautetsiek duela hiru hilabete baino gehiago eskatu zuten bilera batean. Bertan Sustapen kontseilariak hainbat konponbide eskaini ditu, hala nola 62. eta 64. kilometroen arteko zorua moldatzearena (Zalaingo tartea), baina hautetsien ustez arazoari "konponbide integral" bat eman behar zaio, eta adierazi dute "errepide honek lehentasunezkoa" izan beharko lukeela bertan ematen diren "istripu eta gertakarien kopurua garrantzitsua delako". Hautetsiak "Nafarroako Gobernutik gastatzen ari den diruak gure eskualdea baztertua uzten duenaren sentsazioarekin" gelditu direla aitortu dute komunikabideen aurrean.

Ikusi Noticias de Navarra eta Diario de Navarrak berriari emandako estaldura.

HURRENGO ASTEETAKO EKITALDIAK BERAKO KULTUR BATZORDEAREN LAGUNTZAREKIN

Berako Kultur Batzordeak antolatu edo laguntzen dituen ekitaldiak biltzen dituen kartela argitaratua dago jada. Berako Agenda web orrian aurkitu dezakezue informazio gehiago.

Otsaila eta martxoan zehar Beran izango diren ekitaldietako batzuk

BORTZIRIETAKO UDAL ORDEZKARIEK NAFARROAKO GOBERNUARI N-121-A ERREPIDEA EGOKITZEKO NEURRIAK HARTZEA ESKATU DIOTE

Gaur eguerdian Berako Udal Etxean emandako prentsaurrekoan Bortzirietako udal ordezkariek Nafarroako Gobernuari N-121-A errepidean gertatzen diren istripuak murrizteko hainbat neurri hartzea eskatu diote.

Atzo gertatu zen istripuaren ondotik hartutako irudia

Honakoa izan da Udal ordezkariek egindako adierazpena:

N-121-A errepidearen segurtasuna bermatzeko eskaria Nafarroako Gobernuari

N-121-A errepidean izandako azken istripuak aitzakia, Eskualdeko Udaletako ordezkariak elkartu gara urgentziazko agerraldi honetan Nafarroako Gobernuari eskatzeko normaltasunetik urruti gertatzen diren istripu kopuru altu eta larri hauen aurrean behingoagatik neurri eraginkorrak hartu ditzan.

Lehenik eta behin, azterketa bat gauzatzea errepide honetan jada identifikatuak dauden puntu arriskutsuetako lurzoruei eta istripuetan eragiten duten hainbat faktoreei dagokienean.

Ezinbertzekoz, errepideetako segurtasuna bermatzeko lan egin beharko luketeen eta Nafarroako gobernuaren eskumenetan dauden organoek lehentasuna ematea istripuak eragiten dituzten faktoreei, berexiki kamioien abiadura mugak ez errespetatzearen eta honek ekartzen dituen ondorioen aferari.

Nafarroako Gobernuak erantzunkizuna eta konpromezua hartzea, etorkizun hurbil batean, errepide honek eragiten dituen istripu larriak murriztu eta orokorrean errepidearen egoera eskualdeak merezi duen modura egokitzeko, horretarako behar diren neurriak hartuz.

Gure eskualdeko eta gure eskualdetik pasatu behar duten herritarren eskubideen eta segurtasunaren bermatzearen beharrezkotasuna irizpide, Bortzirietako Udal ordezkariek Nafarroako Gobernuari eskatzen diogu honako neurriak hartu ditzan, lehen bait len:

-         N-121-A errepideko Zalaingo zatian azterketa sakona egitea, ikusita lurzoruan begi bistakoa den arazo bat dagoela maiz gertatzen diren istripu larriak arrazoitzat hartuta.

-         Abiadura mugak murriztu eta muga hauen errespetatzea bermatzea.

-         Istripuak eragin ditzaketen faktoreak identifikatu eta hauek murrizteko neurriak hartzea.

Beran, 2014.eko urtarrilaren 24an, Bortzirietako Udal ordezkariak

KAXERNA GAZTETXEKO BILERAK

Kaxerna Gaztetxeak jakinarazi digu heldu den astetik aintzinera bilerak asteazkenetan eginen direla, ilunabarreko 7tan hasita.

ALKAIAGAKO TUNELA ITXIKO DA

Asteazken eta ortzegun arratsetan Alkaiagako tunela itxia egonen da, N-121-A errepidean, argiteriaren manteinua egiteko eta, ondorioz, trafikoa Beratik desbideratuko da, Errepideen Kontserbazio Zerbitzuak erran dutenaren arabera.

GAUR IZANEN DA URTEKO LEHENDABIZIKO OSOKO BILKURA

Gaur arratsaldeko 19.30etan izanen da Berako Udalaren urteko lehendabiziko osoko bilkura. Gai ordena udalaren webgunean dago eskuragai eta edozein joan daiteke ikustera.  

UPNKO ZINEGOTZIAREN AURKAKO EPAIKETA UDALETXEAN

Datorren ortzegunean, urtarrilak 16, Juan Losa UPN taldeko zinegotziak "Euskal Herria Aitortu Errespetatu" lelopean eta baimen guztiekin 2004.urtean egindako murala ezabatzeagatik Berako Udalak jarritako salaketa argitzeko epaiketa burutuko da, Berako Herriko Etxeko bilera gelan goizeko 11.30etan. Edozein joan daiteke epaiketa publiko honetara.

Testigu batzuk hartutako argazkia

MANTTALEREN MENDI EGUNA IZANEN DA LARUNBATEAN

Larunbat honetan, Urtarrilak 11, Mendi Eguna antolatu du Manttale taldeak. Goizean goiz eskalada tailerra izanen da Xanti Susperregirekin, 9.30etan. Santa Barbarara ibilaldi gidatua eginen da eguerdiko 14.30etan Kiroldegitik hasita eta haurrentzako lasterketak izanen dire 14.45etatik antziñera. 15.30etan, berriz, binakako kronoigoera eginen da eta eguna bukatzeko "Agerratik Himalayara" dokumentala emanen da Kultur Etxean.

Dokumental honek Berako mendi taldeko hainbat momentu gogoragarrienak berrikusten ditu. Testigantza, bideo eta argazkien bidez, Agerratik Himalayarak talde honen lehenengo pausuak gogora ekartzen ditu, Pirineoetara irteerak, Alpeetara bidaiak, Kilimanjarora joan zen lehenengo expedizioa, peruko Huascaraneko abentura, Gasherbrum II-an egindako gailurra eta Shisha Pangman bizitutako arrakastarik gabeko saiakerak.

Mendi Eguneko egitaraua erakusten duen kartela

BORTZIRIETAKO TALDEKAKO BERTSO TXAPELKETA BERAN

Joan den abenduaren 29an hasi zen XV. Bortzirietako Taldekako Bertso Txapelketa eta ortziral honetan izanen da urtero ohikoa den Berako saioa. Aurtengoan Berako bi taldek kantatuko dute, arratseko 10.30etan eta Kataku Ostatuan: Patxi Castillo, Aitor Elexpuru eta Jokin Pinatxok osatuko dute talde bat eta Asier Saragueta, Anjeltxo Aranibar eta Julen Zelaietak bertzea.

Aurtengo kartela

Urtarrilaren 4an jokatuko dira gainerako saio guziak Lesakan. Larunbat arratsaldeko 3etan, Teleboten ariko dira Xabier Silveira, Iñigo Olaetxea eta Ioar Tainta alde batetik eta Malerrekako taldea bertzetik (Iker eta Egoitz Gorosterrazu anaiak eta Ander Fuentes “Itturri”). Arratsaldeko 4:30ean Koxkilan ariko dira Eneko Fernandez eta Juan Mari eta Maialen Lopez aita-alabak Baztango taldearen kontra (Bittor eta Amaia Elizagoien aita-alabak eta Xabi Maia).

Ondotik, finalerdian txanda etorriko da. 18:00etan Txarutan jokatuko dute lehenbizikoa Berako saioko irabazleek Iban Garro, Josu Sanjurjo eta Xabier Terrerosen kontra eta bigarrena 19:00etan Zialdon izanen dute, Teleboteko irabazleek Koxkilako irabazleen kontra.

Finala Arranon jokatuko da. 21:00etan afaria eginen da eta ondotik finala. Afarirako txartelak 15 eurotan eros daitezke. Izena emateko bortzibertso@gmail.com helbide elektronikora idatzi edo 618963011 telefonora deitu behar da.

"EZ GARA PALESTINAZ ARI" LARUNBATEAN

Larunbata honetan, abenduak 28, "Ez Gara Palestinaz Ari" emanaldia eskainiko da Berako Kultur Etxean, ilunabarreko 19.30etan. Berako Euskara Batzordeak urtero antolatzen du bertso saio bat, eta aurten bertsoez gain antzerkia, poesia eta musikaz gozatzeko aukera emanen digu. Sarrerak 3 euro gostako du eta bertan egonen dire salgai. Herriko azkeneko kultur ekitaldietako bat izanen da larunbatekoa, Imanol Kamio, Ander Lizarralde, Unai Muñoa eta Aitor Atxegaren eskutik.

Larunbateko emanaldiaren kartela

GABON GABEKO EKIMENAK: OLENTZERO ETA MARI DOMINGI

Olentzero menditik Berako Plazara bidean

 Arratsaldeko 5etan izanen da Berako Ikastetxeen arteko elkartzea Berako Herriko plazan, herrian barna haien Olentzeroekin buelta egin ondotik. Olentzero ordu horretan jaitsiko da menditik, baina izanen da Olentzerori ongi etorria egiteko aukera gehiagorik. 

Ordu berean, Ezpidobaita elkartetik Olentzero eta Mari Domingi ateriko dituzte bizkarrean Herrira!-ren izenean eta Foruen Plazan geldialdia egin ondotik Legia karrikan barna Altzateraino eramango dituzte. 6etako bukatzea aurreikusten dute, urtero Gure Txokoa Elkarteak antolatzen duen Olentzeroan ere parte hartu ahal izateko, erran bezala, arratsaldeko 6tan Iamoteneatik hasiko den horretan. 

Iluntzeko 8etan, berriz, elkarretaratzea eginen da Mukixu zubian, ostiralero egiten den gisan, Euskal Preso eta Iheslarien Eskubideen alde.

BIG BOY TALDEAK KONTZERTUA ESKAINIKO DU KATAKUN ORTZIRAL HONETAN

BIG BOY talde zumaiarra izanen da entzungai ortziral honetan Kataku Ostatuan, 22.30etatik antzinera.

bigboytaldea.blogspot.com.es

katakuostatua.blogspot.com.es

 

http://vimeo.com/67423924
http://vimeo.com/64993510

OLENTZERO ETA MARI DOMINGI ENTSAIOAK

Gure Txokoa elkarteak, urtero bezala Gabon Gauean Olentzerorekin ateratzeko, entsaioetara joateko deialdia egin du. Datorren abenduaren 20 eta 23an izanen dira, Iamotenean eta iluntzeko 20etan.  Espidobaita elkartean, bertzalde, Olentzero eta Mari Domingirekin ateratzeko proposamena eginen da, ortziral honetan abenduak 13 ilunabarreko 20.30tan entsaio-bilera batekin.

BERTSO FINALA KATAKUN

Heldu den igandean Euskal Herriko bertsolari txapelketa nagusirako txartelik gabe gelditu direnentzako egunpasa berezia antolatu dute Katakun. Txapelketa zuzenean ikusteko aukera izango da goizeko 11tan hasi eta gauerarte. Deskantsuan bazkaria eginen dute, eta txartelak (8euro kafea eta kopa barne) osteguna baino lehen hartu beharko dire Katakun bertan.

"IRRIPARRA GALDU BARIK" LARUNBAT HONETAN KAXERNA GAZTETXEAN

Larunbaterako antolatutakoaren kartela

Kaxerna Gaztetxeak bere eraikina utziko du larunbat honetan Ibon Iparragirre Ondarruko Euskal Presoaren aldeko elkartasun besta egin dadin. Haren osasun larria dela eta, Ibon Iparragirre etxeratu egin zuten, baina espetxe-zaintza egoeran dago eskumuturreko batekin. Urtero antolatzen den jaialdi hau Larunbat honetan, abenduak 7 eginen da, erran bezala, Kaxerna gaztetxean. Bazkari solidarioaren ondotik kontzertuak izanen dire goizalderarte.

LARUNBATEAN IZANEN DA EUSKAL BESTA ANTOLATZEKO BILERA

Udaberri aldera Euskal Besta antolatzeko asmoa agertu dute "Berako Gaztik" eta horretarako eragile zein interesatua dauden pertsonei antolakuntzan parte hartzeko deialdia egin diete bilera baten bidez. Bilera hau larunbat honetan, Azaroak 30 izanen da, Beralandetan eta arratsaldeko 4tan. Hurrengo idatziaren bidez egin dute adierazpena:

"EUSKAL BESTA

Beran, Hego Euskal Herriko bertze herri aunitzetan bezala, Herriko Etxean bandera Espainiarra zintzilikatzera behartu gaituzte. Orain arte, ez da inoiz Herriko Etxeko balkoian inolako banderarik jarri eta orain Espainiar agintariek, ikurren legearen bidez, Beratar gehiengo politiko eta sozialaren kontra eta gure nortasun, historia, eskubide eta askatasunaren kontra bandera Espainiarra inposatu digute.

2012ko urria aldera Ikurriñaren eguna ospatu genuen Beratarrok, eta Altzateko plazan ikurriña bat jarri genuen gure euskal ikurrak aldarrikatzeko. Ikurriñak gutti iraun zuen gure plazan, izan ere Nafarroako gobernutik ikurrina kentzeko agindua segidan ailegatu zitzaion udalari, eta nahiz eta Berako herriak ikurren legea bete (ikurriñarik ez baitago jarrita ez Herriko Etxean ezta inguruan ere, eta gainera pleno aretoan eta kanpoko balkoian Espainiar eta Nafar banderak daude jarrita) Altzateko plazan jarri zen Ikurriña kendu arazi ziguten.

Guzti honegatik, uste dugu garrantzitsua dela gureak diren nortasun ikurren defentsa herritar guzion artea egitea. Ez gara espainiarrak ez eta frantsesak, ez dugu nahi gurea ez denik. Horregatik gure herrian eta instituzioetan ikurrinak egon behar duela pentsatzen dugu, bertze euskal ikurrekin batera eta ez inposaturiko kanpo banderarik.

Aldarrikapen hau egiteko intentzioz, Berako gazteei Beran Euskal Besta bat egitea bururatu zaigu. Horretarako, euskaldun sentitzen zareten eragile guztioi besta hau antolatzen laguntzea proposatzen dizuegu, bakoitzak ahal duen heinean laguntza emanez:

– Eguneko ekitaldiak antolatu: Euskal dantzak, herri kirolak, bertsoak, kirol desberdinak,
umeentzako jokoak, musika...
– Txozna eta bertze egiturak montatu eta desmontatzea
– Lanerako turnoak egitea txoznan...
– Bazkaria egiten laguntzea, zerbitzatzea...
– Eta bururatzen zaizuen bertze edozein laguntza ongi etorria izango da!!!

Azaroak 30ean atsaldeko lautan Beralandetan bilera bat eginen dugu zuekin solastu eta laguntzeko prest zaudeten jakiteko, eta laguntzeko prest zaudetenekin hasiko gara euskal besta prestatzen.

ESKERRIKASKO

BERAKO GAZTIK" 

GURE TXOKOA FUTBOL TALDEKO GURASOEK BIDALITAKO OHARRA

Gure Txoko futbol taldeko guraso batzuek Beratik blogera idatzi dute laguntza eske, Matzada futbol zelaiaren egoera tamalgarria eta entrenatzeko erabili ohi den Agerrako zelaiaren egoera txarra  salatuz. Haien seme-alaben motibaziorako ezinbertzekoa deritzoten azpiegitura hauen egokitzea aldarrikatuz herritarren laguntza eskatzen dute.

Hona hemen jaso dugun idatzia:

Matzada futbol zelaia.

"GURE TXOKOA futbol taldeko guraso batzuk gara, eta zuengana zuzentzen gara gure seme alabek bizi duten egoeraren berri emateko asmoz, eta bide batez zuen laguntza eskatzeko. Izan ere, Gure Txokoa futbol taldeak urte aunitzez diru laguntzen behar handia baitu.

Gaur egun ditugun instalazio eskasarekin Gure Txokoan 180 bat haur eta gazte ari dira futbolean; 10 taldeetan banatuak eta sei maila desberdinetan jokatzen.

Alde batetik, MATZADA futbol zelaiaren egoera tamalgarria salatu nahiko genuke: zelaiaren egoera penagarria, harmailarik gabeko zelaia, partiduak ikusteko estaldurarik eza, bankilloak ... Oro har, Matzadak jasaten duen instalazio onargarri batzuen falta da guri larritzen gaituena.

Bestalde batetik, egoera honen aurrean, entrenatzeko erabiltzen den Agerrako zelaia ere ez da motz gelditzen. Matzada ez izorratzearren erabiltzen duten bertze zelai hau hagitz egoera txarretan dago (zuloak, putzuak, lokatza, …), eta euria egiten duenean egoera petral hau areagotzen da. Horrelakoetan, frontoian entrenatzea izaten da irtenbide bakarra.

Egoera hau jasanezina zaigulako, eta gure seme alaben motibaziorako, entrenatzeko eta jokatzeko instalazio duin batzuk edukitzearen garrantziaz ohartuta, zuen laguntza eskatzen dugu. Egoera honekin amaitu behar dugu gure herriko haur eta gazteek baldintza egokietan jolastu ahal izateko.

Gure herriaren onerako, guztion lana ezin bertzekoa da futbol zelai egoki bat edukitzeko. Jokalariek disfrutatzeaz gain, guraso eta zaletuek ere goza dezagun. Zuen laguntza beharrezkoa zaigu, denon artean egoera honi aurre egin ahal izateko zuen aletxoa premiazkoa da."

EMAKUMEEN KONTRAKO INDARKERIAREN AURKAKO EGUNA

Ortzileko autodefentsa ikastaroaren kartela

Astelehenean Emakumeen Kontrako Indarkeriaren Aurkako Eguna dela eta hainbat ekimen antolatu dira Beran eta inguruetan. Hasteko, ostiral honetan autodefentsa ikastaroa izanen da Lesakan arratsaldeko 17etatik 21etara, Osasun Etxearen parean dagoen Erabilera Anitzetarako aretoan. Igandean, berriz, elkarretaratzea eginen da Altzateko plazan, eguerdiko ordu batean. Egun berean emanen dute "Alardearen Seme Alabak" dokumentala, Berako Kultur Etxean eta arratsaldeko seiretan. 3 eurotan izanen da sartzeko aukera eta Haur Txoko zerbitzua eskainiko da (948635036 telefonoan izena emanez).

"THE BALLADURIANS" TALDEAK KONTZERTUA ESKAINIKO DU ORTZIRALEAN KATAKUN

Kataku Ostatuaren kontzertuetarako ohiturarik ez galtzeko ortziral honetan The Balladurians taldea izanen da gaueko 10.30etan. Bertzalde, joan den igandean Napoka Iriak eskainitako kontzertuak bete egin zuen jada hainbat musika emanaldi bildu dituen herriko gune hau.

http://katakuostatua.blogspot.com.es/                          

http://www.theballadurians.com/

Ortzil hontako kontzertuaren kartela

BIOMASA GALDARAREN OBRAK HASIAK DIRA JADA

Duela aste pare bat hasi ziren obrak polikiroldegi atzean.

Biomasa galdarak egiten hasi dira polikiroldegiaren atzean, iazko aurrekontuan onartu zen bezala. Bi galdara hauek egur ezpala erreko dute Toni Ona Institutua eta Polikiroldegia, Mukixu Haur Eskola, Ricargo Baroja Eskola eta Labiaga Ikastola berotu ahal izateko. Bildu udal taldeak adierazi digu bere zalantzak izan dituela hasieratik, hurrengo idazki honen bidez plazaratu nahi izan dituenak:

  

BIOMASA PROIEKTUAREN GAINEAN ZALANTZAK              

Gasoil eta gasezko hainbat galdara biomasazko kalefakzio zentralizatuaz ordezkatzeko proiektua martxan da.  304.000 eurotan esleitu dire lanak eta %50eko dirulaguntza omen dute.  Kiroldegia, toki ona, mukixu haur eskola, rikardo Baroja eta ikastolako kalefakziorako erabiliko da.  Berako Bilduk energía berriztagarrien aldeko apostua beti babestuko du baina proiektu honetan zalantza bat baino gehiago ditugu.

Proiektu honen muina :

Kiroldegi atzean egur ezpala erreko duten bi galdara haundi instalatzea.  Hauek ura berotuko dute eta ur bero hau lurpeko tuberien bidez eramanen da lehen aipatutako eraikinetara bertako kalefakzio zirkuituan erabiltzeko.  

 PROIEKTUAREN ALDE POSITIBOAK

·   Gasoila eta gasa bezalako erregai fosilen ordez, energía berriztagarriak erabiltzea.

·    Mundu mailan espekulazioaren menpe dauden energía iturrien ordez bertan dugun energía bat erabiltzea.

·         Kalefakzio gastua erdira jaustea?

·         Lanpostuak sortzea.

PROIEKTUAREN ALDE  NEGATIBOAK EDO ZALANTZAZKOAK

·   Beran energía berriztagarrietan dabiltzan enpresekin proiektua ez kontrastatu izana.

·         Ur beroa banatzeko zirkuituan izanen diren bero galerak.

·    Eraikinen isolamendu termikoa bermatzearen beharrezkotasuna energia aurreztu eta kontsumo  jasangarri baterako.

·         Egur ezpala pilatzeko eta idortzeko behar den toki handia.

·         Bertako egurrakin ezpala lortzeko inbertsio handia egin beharra.

               

 

EUSKAL HERRIKO GUTUN SOZIALAREN EZTABAIDA PROZESUA IRITSI DA BAZTAN-BIDASOARA

Gutunaren eztabaidaren zirriborroa

            "Azkeneko kurtsoa eta batez ere pasa den Maiatzaren 30eko Greba Orokorraren lanketan eta baita ondotik ere bukatu genuen erranez Euskal Herrian Eskubide sozialen karta bat egitera gindoazela, eta karta horrek gure estrategia defentsibatik ofentsibara pasatuko zuela.

            Ekainetik gaur egunera arte, hainbat eragile sindikal eta sozial, eta norbanako, karta horren zirriborroa eztabaidatzen egon dira, eta behin zirriborro hori bukatuta, eztabaida prozesua Euskal Herriko eskualde guztietara zabalduko da, denon artean Karta Sozial hori osatzeko.

            Zer da karta soziala eta zertarako balio du? Euskal Herriko karta soziala, bizi dugun krisi egoera honetan, inposatu nahi diguten eredu sozialari aurre egiteko balioko digun tresna garrantzitsuena da. Karta honekin gure alternatiba zein den erabakiko dugu eta hori lortzeko borroka fase bat irekiko dugu. Hau da, gobernuen politika neoliberalen aintzinean, Euskal Herriko herri sektoreak bere proiektu propioa aurkeztuko du, eta klase politikoari argi erranen dio, ez dugula inposatu nahi diguten miseriarik onartuko, eta horren aintzinean Euskal Herriak baduela bere norabide propioa.

            Ez da makala aintzinetik daukagun erronka, baino uste dugu norabide egokian goazela. Urteak pasatu ditugu erranez krisi honi eta politika hauei alternatibak bazeudela erranez, baino ez genuen alternatiba erreal bat adosten jendarte zabala ordezkatzen dugun eragile ezberdinek. Orain ordea horren bidean gaude, benetako alternatiba erreal bat gauzatze bidean eta horrek erronka guzti honi ilusioz ekitea laguntzen digu.

            Ez dugu nahi Euskal Herria Madrilen erabakitzen denaren zain egotea, ondotik guk errateko ez gaudela ados. Madrilgo Gobernuak bere murrizketa eta erreformekin jarraituko du, baino guk Karta Sozialaren bidez, eta honek ematen digun borrokarako gaitasunarekin gure bidean jarraituko dugu, Euskal Herrian gure eredu sozio-ekonomiko propioa lortu arte.

            Erran bezala eztabaida eskualdetara zabaldu egin da, eta prozesu erabat parte-hartzailea egin nahi da, Euskal Herriko, herri, hiri, eta eskualde guztietan. Baztan-Bidasoan ere lan talde bat lanean hasi da, eta prozesu honen oinarriak izanen direnak jartzen hasi da. Oraingoz hiru batzar ireki deituko dira: bat Malerrekan, bertzea Baztanen eta bertze bat Bortzirietan. Batzar ireki hauen helburua planteatzen den zirriborroa eztabaidatzea eta ekarpenak egitea da, bilduko diren ekarpen guztiekin Karta osatzeko.

            Beraz hemendik Baztan-Bidasoako jendarte prozesu honetan parte hartzera deitzen dugu, denon artean ze eredu sozial nahi dugun erabakitzeko. Geroz eta jende gehiago eta sektore ezberdinetakoak bildu hobe, ikuspegi eta ekarpen ezberdinak jasotzeko. Gure etorkizun laburrean izugarrizko garrantzia izanen duen prozesu batez ari gara solasean, eta horregatik denon parte hartzea ezinbertzekoa da, jendarte zabalaren aktibazio sozialak bakarrik aterako baitigu egoera honetatik.

            Hauek dira deialdiak Baztan-Bidasoan: Bortzirietako jendearentzat Azaroak 21 ortzeguna arratsaldeko 7 t'erdietan Berako Beralandetan, Baztango deialdia Azaroak 21 ortzeguna, arratsaldeko 7 t'erdietan Elizondoko Arizkunenean, eta Malerrekako deialdia Azaroak 22 ortzirala arratsaldeko 8tan Erakusketa gelan."

Baztan-Bidasoako Karta Sozialaren sustatzaileak bidalitako prentsa oharra.

UPNren JARRERA ONARTEZINA EAJren ABSTENTZIOAREKIN SALATU ZENEKO PLENOA LABUR ETA LASAI JOAN ZEN

Atzoko plenoa, Jon Abril Olaetxea behin behineko alkateak zuzendurik, labur eta lasai joan zen, UPN udal taldeko zinegotziaren faltan. Puntu guztiak onartu ziren, nahiz eta batzuetan osotasunean ez ados egon. 

"Udal baratzeen kontzesioa eta erabilera arautzeko ordenantza hasiera batez onestea" eskatzen zuen puntuan, Bildu udal taldeak abstentzioa iragarri zuen, haren ustez ordenantza berri bat eratzeko prozesuak parte hartzailea izan behar zuelako, batzordean erabakia eta Berako errealitatera egokitua. 

Bertzalde, Bildu udal taldearen proposamenez "Berako UPNren jarrera onartezina" salatzen zueneko puntuan, EAJ udal taldea abstenitu egin zen, haren ustez ez baita beharrezkoa udal organoak zinegotzi baten jarrera onartezina salatzea. Erabaki honetan adostu zen, batetik, UPN udal taldeko zinegotziaren jarrera onartezina denean plenotik botatzea; eta bertzetik udalen konpromezua ezabatua izan zen "Euskal Herria Aitortu Errespetatu" murala berriz egitea ahalbidetzeko eta eskatu litezkeen muralak egiteko baimenak emateko.

Bertzalde, "Epaiketa politikorik ez!" mozioa osotasunean onartu zen, baita EHBilduren proposamenez "Emakumeen Kontrako Indarkeriaren Aurkako" manifestua, Jon Abrilek berak irakurri zuena. 

Plenoak ordu bat iraun zuen eta bortz pertsona zeuden publikoan; Marisol Taberna eta Juan Loza alkatea eta zinegotzia ez ziren bertaratu, lehenengoa oporraldiarengatik eta bigarrenak abisorik eta arrazoirik eman ez zuela.

Gai ordena eta akta hemen egon beharko liratekeen.

PARKEKO EGOERAZ KEZKATUTAKO GUSASOAK

Guraso talde batek eskutitz bat idatzi du parkeko egoerari buruz:

Haur eskola ondoko parkearen egoeraz  kezkaturik gauden  Berako guraso talde bat gara. Azkenaldi honetan egun askotan kolumpioak hautxiak agertzen dira eta egun asko ematen dute  kompondu gabe. Gure ustetan parkeari  aurpegi garbitze bat falta zaio, instalakuntzei margo kapa bat eman eta falta zaien torloio guztiak  bere lekuan jartzea, argi dago hau ez daukala inolako segurtasunik ematen eta  izugarrizko arriskua suposatzen  duela  gure umeentzat.

Gure ustetan txikientzat (0-3 urte) ez dago inolako txirrista zein  kolumpio edo antzekorik nahiz eta hauetako bat jartzeko leku dexente izan parkeko eremuan

Haurrak bere beharrak egiteko egiteko  lekurik ez dago eta askotan Rikardo barojan dauden komunetara ailetzeko denborik ez du ematen,hontaz parke inguruko taberna zein komertzioetara joan behar  dugu nahiz eta  autobus geltoki ondoan komun batzuk egon baina gehienetan itxitak egoten  dira

Gure haurrak kalean jolastea garrantzitsua eta beharrezkoa iruditzen zaigu az bakarrik hauen garapenerako baizike eta  Bera herri giro bezala mantentzeko.

Parkea gure seme alaben alderdi fisiko,sozial eta kognitiboa garatzen duten eremua dela uste dugu horregatik parkea ahalik eta egoera hoberenean egotea garrantzitsua del iruditzen zaigu eta  herriko bizitza soziala indartuko du.

Somos un grupo de madres y padres de Bera, preocupados por el estado en el que se encuentran los columpios del parque situado frente a la Haur Eskola.

Por un lado los propios columpios necesitan una mano de pintura y a alguno le faltan tornillos, con lo que lo hace inestable e inseguro. Faltan a nuestro entender algún columpio para los más pequeños (hasta 3 años), habiendo espacio para ponerlo. Los niños necesitan frecuentemente hacer sus necesidades, y no suelen dar tiempo suficiente para llegar a los servicios del Colegio Ricardo Baroja (que no están siempre abiertos) o de alguno de los bares cercanos. Esto es antihigiénico. Además existen ya unos servicios en la parada de autobús cercana, pero nunca están abiertos.

Que nuestros hijos e hijas jueguen en la calle nos parece importante, no sólo para el desarrollo de éstas y éstos, sino también para mantener la vida de Bera como pueblo. Concebimos el parque como un lugar en el que nuestras hijas e hijos se desarrollan física, mental y socialmente. Por eso el que los parques infantiles de Bera estén en óptimas condiciones, no sólo va a mejorar la seguridad de nuestros niños y niñas, sino que ayudará a potenciar la vida social en el pueblo.

A sabiendas de la difícil situación económica del Ayuntamiento, pedimos que se acondicionen los columpios existentes en la plaza enfrente de la Haur-eskola, que se añada algún columpio más dirigido al tramo de 0-3 años y que se abra y mantenga el servicio situado en la parada de autobús cercana.

BERAKO UDALAK (ARALAR ETA EAJ), BAKETIKEKIN BATERA, ELKARBIZITZA ETA BAKERAKO PROGRAMAREN AURKEZPENA EGINEN DU

Berako udalak bakegintzarako 3.000 euroko diru-laguntza onartu zuen iazko aurrekontuetan. Bakegintzarako gordetako partida hori Jonan Fernandez zuzendaritzat duen Baketik programara bideratzea erabaki zuen Berako udalak, Aralar eta EAJren bozkekin eta Bildu udal taldearen zalantza eta desadostasunaren gainetik. “Hablan los Ojos” dokumentalaren emanaldiarekin hasiko da programa hau, eta, bertzeak bertze, udaleko zinegotzi eta zinegotzi ohiak pertsonalki eta ez udal talde gisa hartuko dituen eta etikoa izanen den eztabaidak bultzatuko dira, baita ikastetxeetan bakegintza eta etikari buruzko hitzaldiak eskaini.

Bildu udal taldeak, bere aldetik, adierazi du ez duela erabaki honetan parte hartu eta bakegintzarako bertze nolako pausu batzuk eman behar direla, hala nola Udalean eta Herrian bakegintza nola jorratu behar den denen artean eztabaidatu eta erabakitzea eta gatazkaren konponbiderako ezinbertzekoa den udal taldeen arteko lanketa egitea.

BERAKO DANTZARI ETA MUSIKARI OHIEN LEHENDABIZIKO ENTSEGUA ORTZIRALEAN

Ortziral honetan, Azaroak 8, izanen da Berako Dantzari eta Musikari Ohien lehendabiziko entsegua, arratseko 20tan eztegarako pilotalekuan.

AZAROAREN 12AN JON ABRIL IZANEN DA BEHIN BEHINEKO ALKATE BERAKO OSOKO BILKURAN

Jon Abril aralarko koordinatzaileorde izan zeneko argazkia

Datorren asteartean burutuko da Azaroako ohiko osoko bilkura eta Jon Abril Olaetxea izanen da behin behineko Alkatea, Marisol Taberna Irazoki hilabete honetan oporretan dagoenaren arrazoiz. Bertzeak bertze, Mankomunitateetako estatutuen aldaketak onestuko diren erabakiko da, funtzionarizazio prozesua eman ahal izateko; "Berako liburutegiko lanpostua betetzekoari buruz jarritako administrazioarekiko auziaren epaia" azalduko da, "Emakumeen kontrako indarkeriaren aurkako nazioarteko egunerako erakunde adierazpenerako proposamena" eginen da eta baita "Euskararen egunaren adierazpena" ere. Bertzalde, bi mozio aurkeztu dire pleno hontarako: "Epaiketa politiko gehiagorik ez!" mozioa eta "Berako UPNren jarrera onartezina" izenburua duena.

Osoko bilkura 19:30tan izanen da Berako Udal Etxeko Pleno Aretoan eta edozein joan daiteke ikustera.

Berako Udaleko ohar taulan egoten dira deialdi osoak.

EUSKARAREN PLAN ESTRATEGIKOAREN AURKEZPENA EGINEN DA OSTIRAL HONETAN BERAN

Bortzirietako Euskara Mankomunitateak otsailetik ekainera garatu zuen gogoeta prozesuaren ondorioz eratutako Euskaren Plan Estrategikoaren aurkezpena eginen da ortziral honetan Beralandetan, arratsaldeko 18.30etan hasita eta ordu bateko iraupenarekin. Plana 2014 eta 2017 urte artetan jorratuko da eta 100 lagundik gorako parte hartzearekin eta Elhuyar Aholkularitzaren laguntzarekin egindako gogoeta prozesuaren ondorioa izanen da. 

Aurkezpena entzule orori irekia egonen da.

Plan Estrategikoa osorik

NAFARROAKO GOBERNUA BERAKO LIBURUZAIN LANPOSTUA HAUTATZEKO PROZESUA ERREPIKATZERA BEHARTUA IZANEN DA

Uztailan burutu zen Berako Udalak Berako Liburutegiko Liburuzainaren lanpostuan Euskararen ezagutza ezinbertzekoa zela aldarrikatuz Nafarroako Gobernuaren aurka egindako salaketari erantzungo liokeen epaiketa. Atzo jakinarazi zuten epaia, eta bertan, nahiz eta euskararen ezagutza beharrezkotzat ez hartu, lanpostu hontarako oposizio lehiaketa egin beharko litzatekeela erabaki dute, eta ez oposizioa, egin zen bezala. Oposizio-lehiaketa honetan Euskararen ezagutza meritu kualifikatu bezala baloratuko litzatekeen. Beraz, epaiak prozesua errepikatzera behartuko du Nafarroako Gobernua, baina soilik Berako kasuan.