 |
| Aurtengo Bestatako Programaren Azala, Unai Ruiz Galarzarena |
Jada inprentan dago Berako Bestatako egitaraua, Unai Ruiz Galarzaren marrazki irabazlea azalean duelarik.
Aurtengo berrikuntzen artean, dataren aldaketa da adierazgarriena. Abuztuaren 1a ortzila denez, egun bat lehenago bukatuko dire bestak aurten, abuztuaren 5ean alegia. Aipatzekoa da, bertzalde, Herri Bazkaria abuztuaren 2an eginen dela, eta Herriko Etxeko Plazan. Aurten Besta Batzordetik Herri Bazkari Batzordea sortu da, non bazkarirako behar izan direnak antolatu diren.
Migatturik ez baina Su Artifizialak izanen dire abuztuaren 3ko gauerdian; eta aurtengo ekitaldi berri gisa Idi Probak aipatzekoak dire Matzadan abuztuaren 5 arratsaldean.
Bertzalde, eta egitarau ofizialetik kanpo, urtero larunbatean eginen den Preso eta Iheslarien Eskubideen Aldeko Kalejira Herrikoia arratsaldeko 18.30etan abiatuko da Mukixu zubitik Altzateko Plazara.
Berako Agendan xehetasun gehiago.
iruzkinik ez:
Argitaratu iruzkina